Uppskeruhátíð yngri flokkanna í handbolta og körfubolta verður haldin í íþróttasal Vodafone hallarinnar fimmtudaginn 12. maí kl.16:30. Þar verður uppskera vetrarins tíunduð og viðurkenningar veittar fyrir tímabilið 2010-2011.
Að lokinni afhendingu viðurkenninga býður Valur upp á safa og kaffi fyrir alla gesti. Iðkendur eru beðnir um að koma með köku/brauðmeti á hlaðborð.
Við hvetjum alla iðkendur til að mæta í æfingagalla Vals eða öðrum rauðum fatnaði. Við hvetjum einnig foreldra til að mæta og fagna uppskerunni með börnum sínum.
Með Valskveðju
Uppskeruhátíðarnefnd
Nú er komið að 3. umferð íslandsmótsins í 7. flokk karla og verður hún haldin á Höfn í Hornafirði, helgina 12.-13. febrúar. Leiknir verða þrír leikir yfir helgina, einn á laugardeginum og tveir á sunnudeginum. Mæting verður kl. 10:00 um laugardagsmorguninn og brottför stuttu eftir það. Gert er ráð fyrir 5-6 klst. akstri. Heimkoma verður um kvöldmatarleitið á sunnudeginum, kemur í ljós þegar nær dregur.
Það verður farið á tveimur einkabílum í ferðina.
Gist verður í grunnskólanum og þurfa því leikmann að taka með sér dýnu(gott ef lítið fer fyrir henni í bílnum), svefnpoka og kodda. Leikmenn sjá sjálfir um nesti í ferðinni.
| Ferðakostnaður: Bensínpeningur 2.500 kr Gisting 500 kr Pítsa/Hamborgari 1.000 - 1.500 kr. Vasapeningur foreldrar ráða | Leikirnir: 12.02 kl. 18:00 Valur – Breiðablik 13.02 kl. 09:00 Valur – Snæfell 13.02 kl. 11:00 Valur – Sindri |
Ef einhverjar spurningar vakna hjá ykkur getið þið sent mér email (bjorgvinrunar@gmail.com) eða hringt í mig í síma 866 3043.
Körfuboltakveðja,
Björgvin Rúnar
